Europe - Otta Nottathil - sarvesa_international_devotional_album_released_by_pope

Advertisements

ആത്മീയ സംഗീത ആല്‍ബം "സര്‍വേശ' ഫ്രാന്‍സീസ് മാര്‍പാപ്പ പ്രകാശനം ചെയ്തു

ജോസ് കുമ്പിളുവേലില്‍

Photo #1 - Europe - Otta Nottathil - sarvesa_international_devotional_album_released_by_pope_francis

വത്തിക്കാന്‍സിറ്റി: തൃശൂരിലെ ചേതന ഗാനാശ്രമത്തിന്റെ ബാനറില്‍ പാടുംപാതിരി എന്നറിയപ്പെടുന്ന സിഎംഐ സഭാഗം റവ. ഡോ. പോള്‍ പൂവത്തിങ്കലും, വയലിനിസ്ററും സംഗീത സംവിധായകനും. മൂന്ന് ആല്‍ബങ്ങളില്‍ കണ്ടക്ടര്‍, സ്ട്രിംഗ് അറേഞ്ചര്‍, സോളോ വയലിനിസ്ററ്, കോറല്‍ അറേഞ്ചര്‍ എന്നീ നിലകളില്‍ ഗ്രാമി അവാര്‍ഡ് നേടിയ വയലിന്‍ വാദകന്‍ മനോജ് ജോര്‍ജ്ജും ചേര്‍ന്ന് സംഗീതം നല്‍കി പത്മവിഭൂഷന്‍ ഡോ.കെ.ജെ. യേശുദാസും ഫാ.പോളും, 100 വൈദികരും, 100 കന്യാസ്ത്രീകളും ചേര്‍ന്ന് ആലപിച്ച ആത്മീയ സംഗീത ആല്‍ബം
"സര്‍വേശ' ഫ്രാന്‍സീസ് മാര്‍പാപ്പ പ്രകാശനം ചെയ്തു.

വത്തിക്കാനിലെ അന്താരാഷ്ട്ര കോണ്‍ഫ്രന്‍സില്‍ സംഗീത സംവിധായകരായ ഫാ.പോള്‍ പൂവത്തിങ്കലും, മനോജ് ജോര്‍ജ്ജും ചേര്‍ന്നു സമര്‍പ്പിച്ച ഫലകത്തില്‍ കൈയ്യൊപ്പിട്ടാണ് ഫ്രാന്‍സിസ് മാര്‍പാപ്പ പ്രകാശനകര്‍മ്മം നിര്‍വഹിച്ചത്. ആദ്യമായാണ് ഒരു ഇന്‍ഡ്യന്‍ സംഗീത ആല്‍ബം ഫ്രാന്‍സിസ് മാര്‍പാപ്പ പ്രകാശനം ചെയ്യുന്നത്.

മണ്‍മറഞ്ഞ സംസ്കൃത പണ്ഡിതന്‍ പ്രൊഫ. പി.സി. ദേവസ്യാ രചിച്ച ക്രിസ്തു ഭാഗവതം എന്ന ഗ്രന്ഥത്തിലെ "സ്വര്‍ഗസ്ഥനായ പിതാവേ' എന്ന സംസ്കൃത ഗീതമാണ് ഫാ. പോള്‍ പൂവത്തിങ്കലും മനോജ് ജോര്‍ജും ചേര്‍ന്ന് ആല്‍ബമാക്കിയത്. വിശിഷ്ടമായ പ്രാര്‍ത്ഥനയുടെ സംസ്കൃതത്തിലുള്ള ആവിഷ്കാരമാണിത്. കര്‍ണാടിക് സംഗീതത്തിലെ "നഠഭൈരവി' രാഗത്തില്‍ പാശ്ചാത്യ സംഗീത സാങ്കേതികങ്ങളെ സമഞ്ജസിപ്പിച്ചാണു സംഗീത സംവിധാനം നിര്‍വഹിച്ചത്.

ലോസ് അഞ്ചലസിലെ ഹോളിവുഡിലായിരുന്നു ആല്‍ബത്തിന്റെ ചേ0ബര്‍ ഓര്‍ക്കസ്ട്രേഷന്‍. പണ്ഡിറ്റ് ഹരിപ്രസാദ് ചൗരസ്യയുടെ മകനും ഗ്രാമി അവാര്‍ഡ് ജേതാവുമായ രാകേഷ് ചൗരസ്യയും ചേര്‍ന്നാണ് ആല്‍ബത്തിനു പശ്ചാത്തല സംഗീതം ഒരുക്കിയത്. തൃശൂരിലും അമേരിക്കയിലും വച്ചാണ് ലോകോത്തര നിലവാരത്തില്‍ ഈ വിശിഷ്ട ഗാനത്തിന്റെ റെക്കോര്‍ഡിങ്ങും മിക്സിങ്ങും നിര്‍വഹിക്കപ്പെട്ടത്.

ഈ സംഗീത നിര്‍മിതിയില്‍ നിന്നുള്ള വരുമാനം തൃശൂര്‍ ചേതന ഗാനശ്രമത്തിലെ ഭിന്നശേഷി കുട്ടികളുടെ മസ്തിഷ്ക വികസനത്തിനുള്ള ന്യൂറോളജിക് മ്യൂസിക് തെറാപ്പിക്കായാണു വിനിയോഗിക്കുകയെന്ന് ആസ്രമാധികാരികള്‍ അറിയിച്ചു.

മനോജ് ജോര്‍ജിന്റെ യു ട്യൂബിലൂടെ ലോകമെങ്ങും ആല്‍ബം ഇപ്പോള്‍ വൈറലാവുകയാണ്.

2019 ഡിസംബര്‍ 13, 15 തീയതികളില്‍ ഹോങ്കോങ്ങിലും മക്കാവുവിലുമായി നടന്ന 83~ാം ജന്മദിനാഘോഷത്തിനായി ഫ്രാന്‍സിസ് മാര്‍പാപ്പയ്ക്കായി മനോജ് ജോര്‍ജ്ജ് "ബേണിംഗ് ലവ്" രചിച്ചു.

ഫ്രാങ്കോയിസ്~പിയറി ഡെസ്കാംപ്സ് നയിച്ച വിയന്നയില്‍ നിന്നുള്ള ചേംബര്‍ ഓര്‍ക്കസ്ട്രയും സോപ്രാനോയും സംഗീത ട്രാക്കിനെ അനുഗമിച്ചു. പ്രശസ്ത ജര്‍മ്മന്‍ ഗായിക ബാര്‍ബറ കജെറ്റനോവിച്ച് തന്റെ സോളോ വയലിന്‍ സഹിതം. ലോകത്തിന്റെ വിവിധ ഭാഗങ്ങളില്‍ നിന്നുള്ള വ്യത്യസ്ത ശൈലിയിലുള്ള സംഗീതം സമന്വയിപ്പിച്ചാണ് രാഗ ജോഗില്‍ മനോജ് ജോര്‍ജ് ഈ സംഗീതം ഒരുക്കിയത്.

https://youtu.be/9echIwvE0u0?si=MhBVWYD93cKLsQ7w

- dated 19 Nov 2024

Comments:

Keywords: Europe - Otta Nottathil - sarvesa_international_devotional_album_released_by_pope_francis Europe - Otta Nottathil - sarvesa_international_devotional_album_released_by_pope_francis,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: